Yangi mavsumga tayyorgarlikning uchinchi yig‘inini xorijga rejalashtirgan Bekobodning “Metallurg” jamoasi a’zolari bugun tongda Turkiyaga uchib ketishdi.
Bekobodliklar Antaliya shahrida ikki haftalik yig‘inda bo‘lishida. Yig‘in davomida jismoniy tayyorgarlikni tiklash barobarida bir nechta ko‘rik nazorat uchrashuvlari o‘tkazilishi rejalashtirilgan. Oldindan kelishuvga binoan “Metallurg”ning safardagi raqiblari Armaniyaton, Qozog‘iston hamda Turkiya jamoalari bo‘lishi kutilyapti.
Safarga ketish arafasida “Metallurg” safiga darvozabon Aleksandr Lobanov kelib qo‘shildi. Shuningdek, bekobodliklar Zafar Safayev, Muhammad Isayev, Zohid Abdullayev singari tajribali o‘yinchilari bilan shartnoma muddatini uzaytirishdi.
Turkiyadagi yig‘in 27 yanvardan 11 fevralga qadar davom etadi.
