Afrika Millatlar Kubogi-2019 musobaqasi boshlanish muddati bir haftaga surildi.

AFP xabariga ko‘ra, musobaqa avval belgilanganidek, 13 iyundan 15 iyulgacha emas, 21 iyundan 19 iyulgacha bo‘lib o‘tadi. Bu qarorga Shimoliy Afrikaning bir qator davlatlari Ramazon oyida o‘z futbolchilariga dam berish borasidagi iltimosidan keyin kelindi.

Musulmonlar uchn muqaddas bo‘lgan Ramazon oyi may oyidan iyun oyi boshlariga davom etadi va qat’iy ro‘za tutiladi.

Bu galki Afrika kubogi Misrda bo‘lib o‘tadi. Musobaqani o‘tkazishga JAR ham da’vogarlik qilgan edi. Musobaqa qur’asi 12 aprel kuni Qohirada bo‘lib o‘tadi. Bu gal 16 emas 24 ta terma jamoa ishtirok etadi.