Avval xabar berib o‘tganimizdek, O‘zbekiston U-19 ayollar terma jamoasi shu yilning aprel oyida Osiyo chempionati saralashining ikkinchi bosqichida ishtirok etadi.
Ana shu musobaqaga tayyorgarlik ko‘rish maqsadida terma jamoa a’zolari kecha 10 fevral kunidan yig‘inga kirishishdi. Yig‘in Namangan shahrida o‘tkazilmoqda.
Yig‘ini davomida asosiy e’tibor futbolchi qizlarning jismoniy tayyorgarligini yaxshilashga qaratiladi. Karima Yo‘ldosheva shogirdlari maydondagi mashg‘ulotlardan tashqari, trenajyor zalida ham mashqlar olib borishadi. Shuningdek, yig‘in davomida nazorat uchrashuvlari o‘tkazish ham rejalashtirilgan.
Terma jamoa bosh murabbiyi Karima Yo‘ldosheva mazkur yig‘inga O‘zbekiston U-16 terma jamoasi a’zosi bo‘lgan Marina Kosnikova, Oysara Suyunova, Durdona Aliyeva va Angelina Polyushkevich kabi bir qator futbolchilarni taklif qilgan. Maqsad kelajakda O‘zbekiston U-19 terma jamoasi asosini tashkil qiladigan yosh futbolchi qizlarni hozirdan tayyorlab borish.
Namangandagi o‘quv-mashg‘ulot yig‘ini 19 fevralga qadar davom etadi.
Gvardiola: "Barsa"ga ketmoqchi bo‘lsang, eshiklar ochiq [5953]
"Real" qachon chempionlikni qo‘lga kiritishi mumkinligi ma’lum bo‘ldi [4935]
U23 Osiyo kubogi. Yarim final bahslari qachon bo‘lib o‘tadi? [3910]
"Real" Mbappe borasida Fransiyaga xabar yubordi [3693]
U23 Osiyo kubogi. O‘zbekiston - Indoneziya o‘yinini xitoylik hakam boshqaradi [3313]
Sport telekanalining 27-aprel kungi ko‘rsatuvlar dasturi [2548]
Lunin "Real"dan maoshini oshirishni so‘ragan, biroq klub... [2461]
"Barselona" o‘zi izlayotgan o‘yinchini topdi [2243]
"Barselona" yarim himoya pozisiyasi uchun 3 ta futbolchi variantini tuzdi [2196]