Samarqandning “Dinamo” klubi safida uzoq muddat ishonchli o‘yin namoyish etgan mahoratli futbolchi Sirojiddin Sayfiyev vafot etdi.

2014 yilda og‘ir jarohat olgan va faoliyatini yakunlagan Sayfiyev bir necha yil davomida og‘ir hastalikni boshdan kechirdi.

Faoliyati mobaynida, shuningdek Qozog‘istonning “Taraz” va G‘uzorning “Sho‘rtan” klublari sharafini himoya qilgan “Dinamo”ning sobiq a’zosi vafot etgani munosabati bilan Professional futbol ligasi marhumning yaqinlari va oila-a’zolariga ta’ziya izhor qiladi.

Sirojiddin Sayfiyevning vafoti munosabati bilan 23 fevral kuni bo‘lib o‘tadigan O‘zbekiston Superkubogi uchun o‘yin 1 daqiqalik sukut bilan boshlanadi.