Avval xabar berib o‘tganimizdek, yosh dzyudochilarimiz Ozarbayjon poytaxti Boku shahridagi xalqaro turnirda ishtirok etayotgandilar.

Bugun o‘tkazilgan bahslarda -57 kg vazn toifasida Shukurjon Aminov barcha raqiblarini mag‘lubiyatga uchratib, shohsupaning eng yuqori pog‘onasidan joy egalladi. Qizlar o‘rtasida -70 kg vazn toifasida o‘tkazilgan bahslarda Irisxon Qurbonboyeva ham oltin medalga sazovor bo‘ldi. +90 kg vaznli Islombek Ravshanqulov ham terma jamoamiz hisobiga oltin medalni qo‘shib qo‘ydi. -66 kg vaznda yurtimiz sharafini himoya qilgan Samandar Toshboyev esa bronza medali sohibiga aylandi.

Eslatib o‘tamiz, kecha Kamoliddin Baxtiyorov (-60 kg) oltin, Xosiyat Hasanboyeva (-44 kg) esa bronza medaliga ega chiqqandi.