Angliya terma jamoasi sobiq hujumchisi Alan Shirer "Chelsi" hamda "Manchester Siti" o‘rtasidagi Angliya liga Kubogi finalida Kepa Arrisabalaga bilan sodir bo‘lgan voqea haqida fikr bildirdi.
Bahs yakunlanishiga bir necha daqiqa qolganida bosh murabbiy Maurisio Sarri Arrisabalaga o‘rniga Villi Kabalyeroni tushirmoqchi bo‘ldi, ammo tablo ko‘tarilganiga qaramay, Kepa maydonni tark etishni istamadi.
Natijadaitaliyalikmutaxassisg‘azabbilansuvidishniyergaotdivatribunaostiyo‘lakchasigayo‘loldi. Bir necha soniya o‘tib murabbiy maydonga qaytdi. Penaltilar seriyasida "Manchester Siti" g‘alabaga erishdi.
“Menga Sarrining Kabalyeroni maydonga tushirish g‘oyasi yoqdi. Chunki Villi "Siti"da o‘ynagan va ular qaysi tomonga zarba berishini bilar edi.
Bu "Chelsi"ning ustun tomoni bo‘lardi. Biroq Kepa maydonni tark etishni istamadi, jin ursin, Sarri posbonni xohlagancha haqorat qilishi mumkin edi.
Hamma gap hurmatda, Kepa millionlab insonlar ko‘z o‘ngida o‘z murabbiyini ahmoqqa chiqardi. Bu voqea Sarri katta bosim ostida va iste’fo arafasida ro‘y berdi. Bu mutaxassis uchun qimmatga tushishi mumkin” - deydi Shirer.
