O‘zbekiston Respublikasi Prezidenti Shavkat Mirziyoyev 15 mart kuni Toshkentdagi “Humo Arena” muz saroyi ochilish marosimida ishtirok etadi.
Ma’lum qilinishicha, taklif qilingan mehmonlar orasida, shuningdek hukumat va parlament vakillari, viloyat hokimlari, jamoatchilik tashkilotlari, madaniyat va fan arboblari, O‘zbekistonning yetakchi sportchilari, diplomatik korpus vakillari hamda mehribonlik uylari bolalari bo‘ladi.
Ochilish marosimining asosiy g‘oyasi – qishgi sport turlari hamda muz saroyi arxitekturasining uyg‘unligi mavzusi bo‘ladi. Asosiy arenada yozgi va qishgi sport turlari sportchilari o‘z mahoratlarini namoyish etadilar. Shuningdek sahnada zamonaviy namoyish etiladi.
“Xumo Arena”da qurilish ishlari 2017 yilning fevral oyida boshlangan edi. “Xumo Arena” 7 qavatdan iborat bo‘lib, uning umumiy maydoni 82 ming metr kvadrat. Majmua 12 ming tomoshabinga mo‘ljallangan. Majmuada 1600 o‘rinli avtoturargoh ham mavjud. Arena uch xil: muz, sport va konsert tartibida ishlaydigan bo‘ladi. Zaruratga qarab, bir holatdan boshqasiga moslashtiriladi.
Unda xokkey, figurali uchish, short-trek, kyorling bilan shug‘ullanish, basketbol, voleybol, futzal, kurash, boks, qilichbozlik, taekvondo kabi sport turlari bo‘yicha musobaqalar o‘tkazish uchun zamonaviy sharoit yaratiladi.
Shuningdek, bu yerda konsertlar, ko‘rgazma va konferensiyalar tashkil etish ham mumkin bo‘ladi. Rejaga ko‘ra, mazkur majmua 2018 yilning dekabr oyida, Yangi yil bayrami arafasida foydalanishga topshirilishi kerak edi.
