"Paxtakor" yarim himoyachisi Jaloliddin Masharipov 1-turdagi Toshkent derbisi oldidan o‘yin haqida fikrlari bilan o‘rtoqlashdi.
- "Paxtakor" mavsumni juda yaxshi boshladi deb ayta olaman. Shu paytgacha biz deyarli to‘rtta final o‘yinida maydonga tushdik. Mavsumni shunday o‘yinlar bilan boshlashimizga to‘g‘ri keldi. Endi xuddi shunday maqomda yana bir uchrashuv o‘tkazamiz. Beshinchi uchrashuvimiz ham finalga teng bahsga aylanadi.
"Lokomotiv" yaxshi jamoa va ular bilan o‘ynash bizga doim yoqadi. Muxlislarni biz chiroyli o‘yin va g‘alabalar bilan stadionga qaytarishni maqsad qilganmiz. Ulardan stadionga kelib, bizni qo‘llab-quvvatlashda davom etishlarini so‘rab qolaman.
