12-15 mart kunlari Toshkent dengizida akademik eshkak eshish bo‘yicha O‘zbekiston kubogining 1-bosqichi o‘tkazildi.
Unda yurtimizning barcha hududlaridan kelgan sportchilar o‘z mahoratlarini namoyish qilishdi.
Bellashuvlar paraatletlar toifasida ham o‘tkazilib, murabbiylarimiz bu musobaqa orqali xalqaro turnirlar uchun terma jamoa tarkibini yana bir karra shakllantirib olish va sportchilarning jismoniy holatini ko‘zdan kechirib olish imkoniyatiga ega bo‘lishdi. Murabbiylarni xushnud qilgan narsa shu bo‘ldiki, natijalar borgan sari ancha yaxshilanmoqda.
Bugundan e’tiboran Toshkent dengizida 18 yoshgacha bo‘lgan sportchilar o‘rtasida O‘zbekiston chempionati boshlandi. Mazkur turnir ham yoshlar terma jamoasini shakllantirish va ularni bo‘lajak qit’a va jahon chempionatlariga saralab olish bilan ahamiyatli. Musobaqa natijalari bilan MOQ rasmiy saytida xabardor bo‘lib borasiz.
