“Real” bosh murabbiyi Zinedin Zidan PSJ hujumchisi Kilian Mbeppeni transferi borasida fikrlarini bildirib o‘tdi.
“Biz Mbappening qancha turishini bilmaymiz. Buni klublar belgilashadi. Men “Real”ga 70 mln yevro evaziga o‘tganman. O‘sha vaqtda bu shunchaki telbalik edi, lekin hozir qayerga qarab ketyapmaganimizni qarang.
Biz uni qanday futbolchi ekanligini yaxshi bilamiz. Ammo Kilian mening jamoamdagi futbolchi emas. Men uni muhokama qilolmayman, bu qo‘l ostimdagi futbolchilar va klubga nisbatan hurmatsizlik bo‘ladi”, - deydi fransiyalik mutaxassis.
