Avelyanedaning "Rasing" klubi Argentina chempionati g‘olibi bo‘ldi.

Jamoa "Tigre" bilan 1:1 hisobidagi durangni qayd qildi va musobaqa yakunlanishiga 1 tur qolganida oltin medallarni qo‘lga kiritdi. Uning eng yaqin ta’qibchisi "Defensa va Xustisiya" klubi 4 ochko ortda bormoqda.

"Rasing" uchun bu o‘z tarixidagi 9-chempionlik unvoni bo‘ldi. So‘nggi bor jamoa 2014 yilda mamlakat chempioni bo‘lgan edi.

Qayd qilish joizki, "Rasing", «Defensa i Xustisiya» va «Boka Xuniors» klublari Libertadores Kubogi yo‘llanmasini qo‘lga kiritishdi. To‘rtinchi yo‘llanma uchun «River Pleyt» va «Atletiko Tukuman» klublari kurash olib borishadi.