Kecha poytaxtimizdagi "Universal" sport majmuasida dzyudo bo‘yicha o‘smirlar va yoshlar o‘rtasidagi Osiyo ochiq kubogi boshlandi.
Uchqun Murodov xotirasiga bag‘ishlab tashkil etilgan musobaqada BAA, Rossiya, Qozog‘iston, Tojikiston, Qirg‘iziston va O‘zbekistondan jami 245 ishtirokchi (161 o‘smir va 84 qiz) sovrinli o‘rinlar uchun kurashadi. Ishtirokchilar soniga ko‘ra, tabiiyki O‘zbekiston yetakchi (111), Qozog‘iston (82) ikkinchi o‘rinda qayd etilgan.
Bahslar o‘smirlar o‘rtasida -50, -55, -60, -66, -73, -81, -90, +90 kg va qizlar o‘rtasida -40, -44, -48, -52, -57, -63, -70, +70 kg vazn toifalarida tashkil etiladi.
Musobaqaning tantali ochilish marosimida O‘zbekiston Respublikasi jismoniy tarbiya va sport vazirligi, O‘zbekiston Milliy olimpiya qo‘mitasi, mamlakat dzyudo federasiyasi mutasaddi rahbarlari, sport jamoatchiligi hamda OAV xodimlari ishtirok etishdi. Ochilish marosimida so‘zga chiqqan Jismoniy tarbiya va sport vazirning birinchi o‘rinbosari Oybek Qosimov mazkur turnirning ahamiyatiga alohida to‘xtaldi.
“An’anaviy tarzda tashkil etib kelinayotgan ushbu musobaqaning nufuzi yildan-yilga oshib bormoqda. Turli davlatlardan kelgan yosh polvonlar bellashuvlari ularning tajribalarini oshirish, dzyudoni yanada ommalashtirish va yangi iste’dodlarni kashf etishga xizmat qilmoqda” – dedi Oybek Qosimov.
Dastlabki kun bahslarida quyidagi sportchilar g‘olib va sovrindorlar safidan joy olishdi:
Qizlar
-40 kg
1. Jasmina Vladimirova (O‘zbekiston)
2. Ulbo‘sin Hakimova (O‘zbekiston)
3. Muhayyo Ahmatova, Ayshabibi Muradimova (Qozog‘iston)
-44 kg
1. Halimajon Qurbonova (O‘zbekiston)
2. Assemkul Baltabay (Qozog‘iston)
3. Diana Burkeeva (Qozog‘iston), Fotimaxon Tursunboyeva (O‘zbekiston)
-48 kg
1. Tansulu Tleubergen (Qozog‘iston)
2. Arujan Yerejepova (Qozog‘iston)
3. Madinaxon Akramova, Balnur Abdeshova (ikkalasi O‘zbekiston)
-52 kg
1. Ayim Jumagaliyeva (Qozog‘iston)
2. Maftuna Adhamova (O‘zbekiston)
3. Ayaulim Kuanishova (Qozog‘iston), Ahliya Mo‘minova (Tojikiston)
O‘g‘il bolalar
-50 kg
1. Nurkanat Serikbayev (Qozog‘iston)
2. Bahrom Botirov (O‘zbekiston)
3. Temurbek Bobomurodov, Arturbek Vafoyev (ikkalasi O‘zbekiston)
-55 kg
1. Kayrjan Junisbek (Qozog‘iston)
2. Saidjon Boboqulov (O‘zbekiston)
3. Yerlan Sovetxan, Aslan Les (ikkalasi Qozog‘iston)
-60 kg
1. Azizbek Ortiqov (O‘zbekiston)
2. Marlen Adil (Qozog‘iston)
3. Nursultan Zayzagaliyev, Yekilas Alseyt (ikkalasi Qozog‘iston)
-66 kg
1. Tilegen Tinarbay (Qozog‘iston)
2. Samandar Toshboyev (O‘zbekiston)
3. Yevgeniy Kuku (Rossiya), Jaloliddin Boltaboyev (O‘zbekiston)
