Ommaning e’tiborida turgan Erik ten Xagning kariyerasi haqidagi  maqolaning birinchi qismini e’lon qilgan edik. Bugun maqolaning 2-qismini e’tiboringizga havola etamiz.
«Ayaks»dagi hayotidan lavha

Maqolaning avvalgi qismida aytilganidek qahramonimizning yangi jamoadagi ishlari birdaniga yurishib ketmaydi. U maydonda mashg‘ulotlar o‘tkazibgina qolmay, futbolchilarga taktika va strategiya to‘g‘risida dars o‘ta boshlaydi. Klub bazasida uning talabi bilan barpo qilingan o‘quv xonasida o‘tirgan «Ayaks» futbolchilari yangi taktikani chuqur tushunib olishga harakat qilishmoqda.

U haqida nimalar deyishmoqda?

Gvardiola

Uning futbolga bo‘lgan chanqoqligini ko‘rib qoyil qolmasdan ilojing yo‘q. U men o‘tkazgan hech bir mashg‘ulotlarni o‘tkazib yubormasdi. Umid qilamanki, kelajakda biz raqib sifatida to‘qnashamiz.
     

Edvin Van der Sar                                                                                        

Bizning futbolchilar uning xizmatlari evaziga o‘sib borishmoqda. Men Erik ten Xagni Gollandiyadagi eng kuchli mutaxassis deb bilaman va unga ohirigacha ishonch bildirishda davom etaman.

Karim Ziyech 

U kelgunga  qadar men o‘zimni juda iqtidorli hisoblar edim. Erik va uning shtabi kelgach, ular o‘yinimni uzoq o‘rganib xato va kamchiliklarimni daftarga yozib berishdi. Ishonasizmi, men hayratdan qotib qoldim. Erik aynan shu kamchiliklarim ustida men bilan barobar ishladi.To‘g‘ri, avvaliga jismoniy yuklamalardan qiynaldim, biroq bu o‘z samarasini bera boshladi. Hozir men ikkala oyoqda ham birdek o‘ynashga ancha ko‘nikib qoldim. Bu bossning xizmatlari.
                                                                                                   

Mattias De Ligt

U bizga dars o‘tar, men oynadan tashqariga qarab o‘tirar edim. Hamma ketgach u meni oldimga keldida, kelajagim haqida menga kuyunib gapira ketdi. To‘g‘risi, uning gaplari meni o‘z kuchimga ishontira boshladi. Ko‘p o‘tmay menga sardorlik bog‘ichini tutqazdi. Bilasizmi keyin nima bo‘ldi? U meni mashg‘ulotlarda ikki xissa ter to‘kishga majbur qila boshladi (Kuladi). U bizga juda ham talabchan, ammo asosiysisi bizga ishonadi.

Andre Onana                                                                                                     

Onana Erik ten Xag kuchli psixolog. Uning har bir so‘zi odamni o‘ylantirib qo‘yadi. U futbol bilan yashaydi. Mehribon inson bo‘lsada, mashg‘ulotlar paytida huddi boshqa odamdek kichik detallargacha e’tibor beradi.
                                                                                                       

Ishonch bilan aytishimiz mumkin, jahon futboliga yana bir kuchli murabbiy kirib kelmoqda. Uning futbolga yangicha yondashuvi tez orada o‘z samarasini berishiga umidvormiz. Erik ten Xag va uning  yigitlari bu mavsum Yevropa chempionlar ligasida g‘olib chiqish uchun asosiy da’vogarlardan sanalmayotgan bo‘lsada, ularni hech kim hisobdan chiqargani yo‘q. Shuning o‘ziyoq bu murabbiy katta yutuqqa erisha olganini bildiradi.