Tailand poytaxti Bangkok shahrida havaskor boks bo‘yicha Osiyo chempionati yarim final uchrashuvlari boshlandi. O‘zbekiston nomidan beshinchi bo‘lib bahslarda Shukurjon Rahimov ishtirok etdi.
-60 kg vaznda ringga chiqqan Shukurjon Rahimov yarim finalda mo‘g‘ulistonlik Tsendbaatar Yerdenebatga qarshi ringga chiqdi. Bellashuv davomida ustunlikka ega bo‘lgan mo‘g‘ul sportchisi yakunda hakamlarning bir ovozdan bergan qarorlariga ko‘ra, ochkolar bo‘yicha g‘alaba qozonib, finalga yo‘llanma oldi. Rahimov esa bronza medali bilan kifoyalandi.
Bungacha-69 kg vaznda Shahnoza Yunusova O‘zbekiston terma jamoasiga bronza medalni taqdim etgandi.
Eslatib o‘tamiz, bungacha Nodirjon Mirzaahmedov qirg‘izistonlik raqibini, Mirazizbek Mirzahalilov esa filippinlik raqibini mag‘lub etib, final yo‘llanmasini qo‘lga kiritgandi.
Bugun yana 4 nafar o‘zbekistonlik bokschi ringga chiqadi.
-69 kg: Bobo Usmon Baturov – Ashish (Hindiston)
+91 kg: Bahodir Jalolov – Muhammad Mulayes (Suriya)
-57 kg: Yodgoroy Mirzayeva – YU-Ting Lin (Xitoy Taypeyi)
-64 kg: Maftuna Meliyeva – Kaur Baat (Hindiston)
