“Ayaks” bosh murabbiyi Erik ten Xag “Tottenxem”ga (1:0) qarshi kechgan o‘yindan so‘ng fikrlari bilan o‘rtoqlashdi.

– Birinchi bo‘limda biz yaxshi o‘yin namoyish qildik va chiroyli gol urdik. Biz raqib ustidan hukumronlik qildik, ammo keyin ustunlik asta-sekin raqib tomonga o‘tdi. Raqibga katta rahmat aytaman. Ular bor kuchlari bilan o‘ynayshdi, biz esa bunga dosh berdik va sherlardek jang qildik.

– Ular sxemani o‘zgartirdi.

– Biz ulardan buni kutgan edik. Ikkinchi bo‘limda biz ko‘proq to‘p bilan muomala qilishni xohladik va buni uddaladik. Ammo biz hujumga o‘ta olmadik. Majburiy bo‘lmagan xatolar sababli gol o‘tkazib yuboray dedik. Agar biz to‘pni ko‘proq o‘zimizg‘da ushlab tursak, biz tinchlanishimiz mumkin edi. Har holda, bu juda yaxshi yutuq.

– “Ayaks” bir oyog‘i bilan finalda, deb aytish mumkinmi?

– Biz yarim yo‘ldamiz, ammo finalgacha hali bor. Biz yaxshi formadamiz, ammo keyingi hafta bugungidan yaxshiroq o‘ynashimiz kerak”, -deydi Ten Xag.