“Atletiko” klubi himoyachisi Diyego Godin madridliklar safini tark etayotganini haqida ma’lum qildi.

“Men “Atletiko”ni tark etmoqdaman. Hozirda bu yerdagi so‘nggi kunlarimni o‘tkazmoqdaman. Barchaga raxmat. Bu mening oilam edi...

Bir yil avval men “MYU” taklifini rad etdim, chunki “Atletiko”da qolishni istagandim. Hozir, bir yil o‘tib, ketish vaqti keldi” – deya ko‘zlaridagi yoshni tiyib tura olmadi Godin.

Eslatib o‘tamiz, Diyego Godin “Atletiko”da to‘qqiz mavsum harakat qildi. Bu vaqt ichida u 8 sovringa ega chiqdi.

Ma’lumotlarga ko‘ra, 33 yoshli urugvaylik futbolchi “Inter”ga yo‘l oladi. Uning yillik maoshi 6,75 mln yevroni tashkil qiladi va u milanliklarning eng ko‘p maosh oladigan futbolchisiga aylanadi.