“Атлетико” клуби ҳимоячиси Диего Годин мадридликлар сафини тарк этаётганини ҳақида маълум қилди.
“Мен “Атлетико”ни тарк этмоқдаман. Ҳозирда бу ердаги сўнгги кунларимни ўтказмоқдаман. Барчага рахмат. Бу менинг оилам эди...
Бир йил аввал мен “МЮ” таклифини рад этдим, чунки “Атлетико”да қолишни истагандим. Ҳозир, бир йил ўтиб, кетиш вақти келди” – дея кўзларидаги ёшни тийиб тура олмади Годин.
Эслатиб ўтамиз, Диего Годин “Атлетико”да тўққиз мавсум ҳаракат қилди. Бу вақт ичида у 8 совринга эга чиқди.
Маълумотларга кўра, 33 ёшли уругвайлик футболчи “Интер”га йўл олади. Унинг йиллик маоши 6,75 млн еврони ташкил қилади ва у миланликларнинг энг кўп маош оладиган футболчисига айланади.
