“Lester Siti” hujumchisi Jeymi Vardi Angliya Premyer ligasining aprel oyidagi eng yaxshi futbolchisi deb topildi.

Forvard aprel oyida o‘tkazilgan 4 ta o‘yinda 5 marotaba raqiblari darvozasini ishg‘ol eta olgan edi. U “Arsenal” va “Xaddersfild”ga qarshi o‘yinlarda dubl qayd etgan bo‘lsa, “Vest Xem”ga qarshi o‘yinda bitta to‘p kiritgan edi.

Vardi so‘rovnomada Eden Azar (“Chelsi”), Jordan Xenderson (“Liverpul”), Emerik Lyaport (“Manchester Siti”), Sheyn Long (“Sautgempton”), Ayose Peres (“Nyukasl”), Muhammad Saloh (“Liverpul”) va  Kris Vud (“Bernli”) kabi futbolchilarni ortda qoldira oldi.