«Tottenhem» bosh murabbiyi Maurisio Pochettino Chempionlar ligasining yarim finalida «Ayaks» ustidan qozonilgan g‘alaba (3:2) va final yo‘llanmasi taassurotlari bilan o‘rtoqlashdi.

«Biz sportni, futbolni yaxshi ko‘rishimizni ko‘rsatdik. Bu jamoaning murabbiyi ekanimdan xursandman. «Tottenhem»ning barcha futbolchilari – qahramonlar, Moura esa – superqahramon», – degan Pochettinoning so‘zlarini keltirmoqda BT Sport.

Eslatib o‘tamiz, o‘z tarixida ilk marta YECHL finaliga chiqqan «shporlar» bosh sovrin bahsni 1 iyun kuni «Liverpul»ga qarshi o‘tkazishadi.