“Tottenxem” himoyachisi Denni Rouz “Ayaks”ga qarshi o‘yindan so‘ng fikrlarini bildirib o‘tdi.

“Biz “Liverpul”ni nima qilganini ko‘rdik. Bu degani hushtak chalinmagunicha hech narsa tugamaydi degani. 

Birinchi o‘yindan qoniqish hosil qilmadik. Bu o‘yinni ham tushkun kayfiyat bilan boshladik. 

Lekin tanaffusdan so‘ng o‘zimizga keldik. Murabbiy mehmonxonada “Liverpul”ni eslatdi. U agarda yaxshi o‘ynasak mag‘lubiyatga ham qarshi emasligini aytdi. Omadimiz kelib finalga chiqdik. Finalni sabrsizlik bilan kutamiz”, - deydi Rouz.