Bugun Bekobod shahri ko‘rki – “Metallurg” markaziy stadioni bayram taraddudida. Shahar aholisining ko‘pchilik qismi kasb bayramlarini aynan shu dargohda nishonlashadi.

Soat 18:00 dan e’tiboran bayram tantanalari mazkur kasb egalarini, ularning oila a’zolari hamda Bekobod ahlini stadionga chorlaydi.

Bayram dasturida mamlakatimizning taniqli san’atkorlari, estradamiz yulduzlari, so‘z ustalari ishtirok etishi kutilyapti.

Bayram tadorigini bir hafta muqaddam boshlagan “Metallurg” stadioni bugun o‘zgacha chiroy kasb etgan.

Qisqa fursat ichida stadion hududi obodonlashtirildi. Barcha tribunalarda o‘rindiqlar tartibga keltirildi. Endilikda stadion eng nufuzli, yirik tadbirlarni ham qabul qiladigan darajada chiroy kasb etdi. 

Sharqiy tribunada san’atkorlarning chiqishlari uchun maxsus sahna yaratildi. Xullas, bugun “Metallurg” stadioniga tashrif buyursangiz bajarilgan ishlar va obodonlashtirish jarayoniga o‘zingaz guvoh bo‘lasiz.

Miriqib dam olasiz, xonadoningizga ko‘nglingiz yayrab qaytasiz. Eslatib o‘tamiz, bayram dasturimiz soat 18:00 dan boshlanadi.