Xabaringiz bor, joriy yilning 19 mart va 3 aprel kunlari Prezidentimiz raisligida o‘tkazilgan yig‘ilishlarda yoshlar ta’lim-tarbiyasi uchun qo‘shimcha sharoitlar yaratish, xotin-qizlar bandligini oshirishga qaratilgan kompleks chora-tadbirlarni o‘z ichiga olgan 5 ta tashabbusni amaliyotga joriy etish vazifalari belgilab berilgan edi.
Respublikamizning barcha hududlarida tashkil etilayotgan turli musobaqalar, ommaviy tadbirlar va mashhur sportchilar bilan uchrashuvlar mazkur topshiriqlar ijrosini ta’minlashga qaratilgan.
Joriy yilning 22-23 may kunlari Urgut tumani Chep mahallasida “Yoshlar-kelajak bunyodkori” shiori ostida uyushtirilgan shunday tadbirlardan biri doirasida voleybol, futbol, kurash, stol tennisi, shaxmat va shashka bo‘yicha musobaqalar hamda ommaviy yugurish marafoni o‘tkazildi.
Ushbu sport tadbirida 600 nafardan ortiq 7 yoshdan 30 yoshgacha bo‘lgan mahalliy yoshlar ishtirok etishdi. Yakunda g‘olib va sovrindorlarga diplom va esdalik sovg‘alari topshirildi.
Shuningdek, nufuzli sport musobaqalarida g‘oliblikni qo‘lga kiritgan viloyatdagi taniqli sportchilar bilan uchrashuv ham tashkil etildi.
