"Barselona" klubi so‘nggi bir hafta ichida 4 nafar futbolchi sotdi. Kataloniyaliklar Yasper Sillessen, Andre Gomesh, Denis Suares va Mark Kardonaning transferidan 77,4 million yevro ishlashdi.

2018 yilning 1 iyulidan boshlab hozirgacha bo‘lgan muddat oralig‘ida sotilgan futbolchilar summasi bo‘yicha "ko‘k-anorranglilar" rekord o‘rnatishdi. Klub bir yil ichida 221 million yevroga futbolchi sotdi.

So‘nggi bir necha yildan beri jamoa aynan futbolchi sotish borasida tanqidlarga uchrayotgan edi. Klub qimmat narxga o‘yinchi sotib olib, ularni arzon narxga sotar edi. Ammo jamoaga Oskar Grau va Pep Segura kelganidan keyin vaziyat o‘zgardi.

Jozep Mariya Bartomeu xarajatlarni qisqartirdi hamda futbolchi sotishni yaxshilash orqali klub byudjetini barqaror ko‘rinishga keltirdi.

So‘nggi bir yil ichida "Barselona" sotgan futbolchilar ro‘yxati:

Paulinyo — 50 millionov yevro ("Guanchjou")
Yasper Sillesen  — 35 million yevro ("Valensiya")
Yerri Mina — 30,2 million yevro ("Everton")
Andre Gomesh  — 25 million yevro ("Everton")
Pako Alkaser — 23 million yevro ("Borussiya" Dortmund)
Lyuka Din  — 20,2 million yevro ("Everton")
Denis Suares — 12,9 million yevro ("Selta")
Aleysh Vidal — 8,5 million yevro ("Sevilya")
Marlon — 6 million yevro ("Sassuolo")
Xose Arnais — 5 million yevro ("Leganes")
Mark Kardona — 2,5 million yevro ("Osasuna")
Mark Kukurelya — 2 million yevro ("Alaves")
Munir el-Haddodiy — 1 million yevro ("Sevilya")
Ruis de Galarreta — 0,5 million yevro ("Las-Palmas").