Poytaxtimizda taekvondo bo‘yicha kadetlar o‘rtasida o‘tkazilayotgan jahon chempionatida terma jamoamiz dastlabki medalini qo‘lga kiritdi. -33 kilogramm vazn toifasida bahs olib borgan yurtdoshimiz Muhammadamin Aliyev musobaqaning bronza medaliga sazovor bo‘ldi.
Vakilimiz turnir davomida Braziliya, Filippin, Shvesiya terma jamoasi vakillarini mag‘lub etib, yarim final yo‘llanmasini qo‘lga kiritgan edi. Afsuski, final uchun kechgan jangda yurtdoshimiz ukrainalik Maksim Manenkovga 17:31 hisobida imkoniyatni boy berib qo‘ydi.
Bu terma jamoamiz uchun mazkur jahon chempionatida qo‘lga kiritilgan dastlabki medal bo‘ldi. Yana 2 kun davomida bahs olib boradigan yosh sportchilarimizga bundan-da katta zafarlar tilab qolamiz.
