Hozirda APLning ikki grand klublarini boshqarayotgan Yurgen Klopp va Pep Gvardiola o‘rtasidagi raqobat tobora avj olib bormoqda. Ho‘sh bu ikki murabbiydan qay biri kuchliroq? Ushbu savolga futbolchi va murabbiylar tomonidan berilgan intervyular orqali javob olishga urunib ko‘ramiz.
Ibrahimovich
Gvardiola yaxshi mutaxassis bo‘lishi mumkin, lekin yaxshi inson emas. U juda qo‘rqoq va men ko‘rgan eng yomon insonlardan biri. Uning qarorlari doimo meni g‘ashimni keltiradi. Dunyo futbolidagi zerikarli uslubni olib kirgan Gvardiola borasida yana nima deyishim mumkin? Klopp borasida bunday deya olmayman. U o‘zini tabiiy tutadi va oddiylikni hush ko‘radi. O‘yin paytida o‘zini juda agressiv tutadi va shogirdlari ham u kabi maydonda jang qilishadi. Uning o‘yin uslubi men uchun ko‘proq manzur bo‘lyapti. Agar tanlash kerak bo‘lsa, kim YCHLni yutgan bo‘lsa, aynan o‘sha murabbiy kuchliroq sanaladi! Xulosa o‘zingizdan.
Ser Aleks Fergusson
Bu murabbiylarni zamonaviy futboldagi eng qudratli ikkita kuch deb atasak, yanglishmagan bo‘lamiz. Shunday bo‘lsada, men Kloppni tanlayman. Sababi, u o‘tgan mavsumda YCHLda g‘olib chiqdi va dunyoning eng kuchli murabbiyi ekanligini hammaga isbotlab qo‘ydi. Bundan tashqari men uni yaqindan taniyman. Biz u bilan ancha oldin murabbiylarning malaka oshirish markazida tanishib qolgan edik. Adashmasam Jeneva shahrida. U o‘zgacha shaxs. Uning o‘z olami va g‘oyalari mavjud. Kelajakda uning g‘oyalari uni yanada yuqori cho‘qqiga olib chiqishiga ishonchim komil.
Zidan
Gvardiola futbol olamiga yangilik olib kira olgan kam sonli futbolchilardan biri sanaladi. U buyuk futbolchi! To‘g‘risi, Gvardiolani futbolchi sifatida yaxshi bilaman. Biz o‘ta yuqori darajada qarama-qarshilik namoyish etganmiz. Hozirda Pep dunyo darjasidagi murabbiyga aylandi. Men u qo‘l ostidagi klublarning o‘yinlariga maftun bo‘lib qolaman. Men undan ko‘p narsa o‘rganishim lozim deb hisoblayman. Klopp haqida to‘xtalib o‘tishim mumkin. Men futbolchi sifatida undan yaxshiroq o‘ynagan bo‘lsamda, murabbiylik bobida uni qattiq hurmat qilaman. U ajoyib murabbiy bo‘lishi mumkin, lekin Pep daho!
Levandovskiy
Gvardiola taktikani juda hush ko‘rar edi. U o‘yinni bir nechta qismlarga bo‘lib tashlar, hamma narsa uning qo‘l ostida bo‘lishini istar edi. Ba’zan uning harakatlaridan sabrsizligi yaqqol ko‘rinib qoladi. Biz uning qo‘l ostida ajoyib o‘yin namoyish etgan bo‘lsakda, kerakli o‘yinlarda biz jismonan toliqib qoldik.
Men doimo Klopp haqida so‘zlashdan oldin biroz jim bo‘lib qolman. To‘g‘risi bu inson mening hayotimni tubdan o‘zgartirib yuborgani ko‘z o‘ngimdan o‘tadi. U fantastik murabbiy va juda yaxshi inson. Biz uning boshqaruvi ostida juda qudratli klubga aylangan edik. U menga juda ko‘p narslarni o‘rgatgan. Eng qizig‘i shundaki, mening klassik hujumchi ekanligmni aynan Yurgen kashf etgan va meni shunga ishontira olgan. Men uchun bu ikki murabbiylar o‘z ishining ustasi sanaladi. Shunday bo‘lsada, mening yuragimga Klopp biroz yaqinroq.
Joze Mourinyo
O‘ylashimcha dunyodagi barcha murabbiylar Gvardiola singari sharoitda ishlashni orzu qilishsa, ajab emas. Nega deysizmi? E’tibor qarating! Unga qanot himoyachisining o‘yini yoqmasa, 3 ta qanot himoyachisi xarid qilishdi. Unga yangi darvozabonning o‘yini manzur kelmasa, tez orada boshqasini xarid qildi. To‘g‘risi, bunday kosmik sharoitda ishlash ancha ustunliklar beradi.
Klopp esa, haqiqiy jangchi! Siz «Barselona»ga qarshi kambekni ko‘rdingizmi? Bu kambekning nomi Yurgen! Ha bu kambek shunday ataladi. Nega deysizmi? Buning sababi shundaki, Klopp unga hech kim ishonmagan bir paytda ham o‘z irodasini ishga soldi va daxshatli «Barselona»ni ruhan yengib qo‘ydi. Uning tarkibi har mavsumda yangi o‘yinchilar bilan kuchaymaydi. U kichik imkoniyatdan katta g‘alabalar qozonishga moslashgan murabbiy.
