Italiyaning La Gazzetta dello Sport nashri A seriya o‘ynayotgan futbolchilarning maoshini e’lon qildi.

Italiya chempionatida eng ko‘p maoshni «Yuventus» hujumchisi Krishtianu Ronaldu olmoqda. Uning yillik maoshi 31 million yevroga teng.

Ikkinchi pog‘onani uning jamoadoshi Mateys de Ligt egalladi. Gollandiyalik futbolchining yillik maoshi 8 million yevroni tashkil qiladi. Shuningdek, uning ishtirokiga qarab, qo‘shimcha 4 million yevro to‘lanishi ham mumkin.

Bu borada uchinchi o‘rinni «Inter» forvardi Romelu Lukaku egalladi – 7,5+1 million yevro.

«Yuventus» maoshlar uchun bir yilda 294 million yevro ajratadi. Ikkinchi pog‘onadagi «Inter» 139 million, «Roma» esa futbolchilarga 125 million yevro maosh to‘laydi.