Италиянинг La Gazzetta dello Sport нашри А серия ўйнаётган футболчиларнинг маошини эълон қилди.
Италия чемпионатида энг кўп маошни «Ювентус» ҳужумчиси Криштиану Роналду олмоқда. Унинг йиллик маоши 31 миллион еврога тенг.
Иккинчи поғонани унинг жамоадоши Матейс де Лигт эгаллади. Голландиялик футболчининг йиллик маоши 8 миллион еврони ташкил қилади. Шунингдек, унинг иштирокига қараб, қўшимча 4 миллион евро тўланиши ҳам мумкин.
Бу борада учинчи ўринни «Интер» форварди Ромелу Лукаку эгаллади – 7,5+1 миллион евро.
«Ювентус» маошлар учун бир йилда 294 миллион евро ажратади. Иккинчи поғонадаги «Интер» 139 миллион, «Рома» эса футболчиларга 125 миллион евро маош тўлайди.
