Xabaringiz bor, o‘tgan yili "Nasaf" futbol maktbida jamoamizning sobiq futbolchisi Valentin Poddubniy o‘z faoliyatini qayta boshlagan edi.

O‘zingizga ma’lum, "Nasaf" futbol maktabida tarbiyalangan Umidjon Ergashev, Abduvoxid Ne’matov Olimpiya terma jamoasi safida yurtimiz sharafini himoya qilishayotgan bo‘lsa, Asad Polvonov U-19 terma jamoamiz libosi ostida maydonga tushmoqda.

Ukrainalik murabbiy Denis Monin Aleksandrovich "Nasaf" futbol maktabida tarbiyalanayotgan yosh darvozabonlarni shug‘ullantirishni boshlaydi.

Denis Monin yuqorida keltirib o‘tilgan darvozabonlarimizga o‘rinbosarlarni tarbiyalash bilan shug‘ullanadi.

Bundan tashqari murabbiy futbol maktabimiz uchun yosh darvozabonlarning seleksiya ishlari bilan ham shug‘ullanadi. Denis Monin "Nasaf" futbol maktibiga yosh darvozabonlarni qabul qilish uchun tanlov e’lon qiladi. Murojaat uchun telefon: +998 90 673-32-31

Denis Monin Aleksandrovich.
Darvozabonlar murabbiyi.
1989-yil iyunda tug‘ilgan.

Odessa futbol maktabi tarbiyalanuvchisi. 2007-2009 yillarda FK "Chernomores" yoshlari darvozasini qo‘riqlagan. Undan tashqari «Afgan-Pamir» (Odessa), «Solnechnaya dolina» (Odessa), FK «Tarutino» (Odessa viloyati), «Ukr-niva» (Berezanka, Nikolayevskaya viloyati), «Olimp» (Kirnichki, Odessa viloyati) jamolari tarkibida harakat qilgan. 2014 yildan to bugunga qadar "Chernomores" bolalar va o‘zsmirlar olimpiya zaxiralari maktabida darvozabonlar murabbiyi bo‘lib ishlagan.