Angliya chempionatining 9-turiga yakun yasaldi. Turning so‘nggi o‘yinida «Arsenal» safarda «Sheffild Yunayted» mehmoni bo‘lib, kichik hisobda imkoniyatni boy berdi.

Birinchi bo‘lim o‘rtalarida Nikolas Pepe yaqin masofadan to‘pni darvozaga bura olganida hisob butunlay boshqacha bo‘lishi mumkin edi. Ammo to‘p uning oyog‘iga tegmay qoldi.

Oradan ko‘p o‘tmasdan maydon egalari burchak zarbasidan so‘ng hisobni ochishdi. Gol muallifi — Musse.

Ikkinchi bo‘limda "Sheffild" futbolchilari juda yaxshi himoyalanishgani bois "kanonirlar" asosan uzoq masofadan zarba berish bilan cheklanishdi. Bir vaziyatda mezbonlar posboni Xenderson ajoyib seyv namoyish qildi.

Shu tariqa, "Arsenal" so‘nggi 2 oy ichida ilk marta mag‘lubiyat alamini tortdi va jadvalda 5-o‘rinda qoldi. "Sheffild" esa o‘z ochkolarini 12ta yetkazib, "MYU"ni ortda qoldirgan holda 9-o‘ringa ko‘tarilib oldi.

Angliya chempionati, 9-tur
Sheffild Yunayted – Arsenal 1:0 (1:0, 0:0)
Gol: 1:0 – 30 Musse.
Sheffild Yunayted – Xenderson, Bashem, Igan, O`Konnell, Boldok, Landstrem, Norvud (Makberni, 85), Flek, Stivens, Makgoldrik (Frimen, 78), Musse (Sharp, 56).
Arsenal – Leno, Chembers, Papastatopulos, David Luiz, Kolashinas, Genduzi, Djaka (Lyakazett, 69), Pepe (Martinelli, 78), Uillok (Sebalyos, 46), Saka, Obameyang.
Ogohlantirishlar: Flek (15), Saka (35), O`Konnell (39), Makgoldrik (66), Kolashinas (67), Xenderson (75), Papastatopulos (86), Chembers (90).