Англия чемпионатининг 9-турига якун ясалди. Турнинг сўнгги ўйинида «Арсенал» сафарда «Шеффилд Юнайтед» меҳмони бўлиб, кичик ҳисобда имкониятни бой берди.

Биринчи бўлим ўрталарида Николас Пепе яқин масофадан тўпни дарвозага бура олганида ҳисоб бутунлай бошқача бўлиши мумкин эди. Аммо тўп унинг оёғига тегмай қолди.

Орадан кўп ўтмасдан майдон эгалари бурчак зарбасидан сўнг ҳисобни очишди. Гол муаллифи — Муссе.

Иккинчи бўлимда "Шеффилд" футболчилари жуда яхши ҳимояланишгани боис "канонирлар" асосан узоқ масофадан зарба бериш билан чекланишди. Бир вазиятда мезбонлар посбони Хендерсон ажойиб сэйв намойиш қилди.

Шу тариқа, "Арсенал" сўнгги 2 ой ичида илк марта мағлубият аламини тортди ва жадвалда 5-ўринда қолди. "Шеффилд" эса ўз очколарини 12та етказиб, "МЮ"ни ортда қолдирган ҳолда 9-ўринга кўтарилиб олди.

Англия чемпионати, 9-тур
Шеффилд Юнайтед – Арсенал 1:0 (1:0, 0:0)
Гол: 1:0 – 30 Муссе.
Шеффилд Юнайтед – Хендерсон, Башем, Иган, О`Коннелл, Болдок, Ландстрем, Норвуд (Макберни, 85), Флек, Стивенс, Макголдрик (Фримэн, 78), Муссе (Шарп, 56).
Арсенал – Лено, Чемберс, Папастатопулос, Давид Луиз, Колашинац, Гендузи, Джака (Ляказетт, 69), Пепе (Мартинелли, 78), Уиллок (Себальос, 46), Сака, Обамеянг.
Огоҳлантиришлар: Флек (15), Сака (35), О`Коннелл (39), Макголдрик (66), Колашинац (67), Хендерсон (75), Папастатопулос (86), Чемберс (90).