Yaqindagina «Manchester Siti» jamoasi yarim himoyachisi Aleksandr Zinchenko Rossiyaning «Osporte» kanali uchun intervyu berib o‘tdi. O‘zgacha uslubda o‘tgan suhbat jaroyonidan ukrainalik futbolchi ko‘pchilikni qiziqtirgan savollarga javob berib o‘tdi.
Karlos Tevez Manchester shaxrini zerikarli deb atagan edi. Seningcha ham shundaymi?
Ochig‘I uning so‘zlariga yuz foiz qo‘shilaman. Darhaqiqat, Manchester juda tinch va sokin shaxar.
Kuning qanday o‘tadi?
Ertalab uyg‘onishim bilan mashg‘ulotlarga yo‘l olaman. Har kuni har xil vaziyatlar bo‘lgani uchun kunim bir me’yorda o‘tmaydi, biroq kun davomida deyarli 6 soatga yaqin vaqtim mashina ichida o‘tadi.
Uyingda futbolchilarning suratlari ilingan devor bormi?
Yoshligimda Andrey Shevchenko va Ronaldinoning suratlari honamda turar edi. Men futbolga aynan Ronaldinoning o‘yinlaridan zavqlanib kirib kelganman.
Sen «FIFA»ni yoqtirasanmi yoki «PES»ni?
Bu savolga o‘ylab o‘tirmay «FIFA»deb javob beraman.
Gvardiolani bir so‘z bilan ta’rifla
Inqilob!
«Manchester Siti» klubida yulduzlar juda ko‘p. bunday yigitlar bilan chiqishib ketish uchun «avtoritet» kerak bo‘ladimi?
To‘g‘ri, jamoaga ko‘nikib ketgunimcha muammolar bo‘lgan, biroq asosiysi jamoadoshlarim ham oddiy insonlar. Eng muhimi hozirda aloqalarimiz yaxshi. O‘ylashimcha, barcha narsa o‘z o‘rniga tushishi uchun vaqt va sabr talab etiladi.
Seni yig‘latgan film qaysi?
To‘g‘risi, kino tomosha qilayotganda yig‘lab yuboradigan odatim bor (kuladi). Men «Xatiko» filmini bir necha bor tomosha qilgan bo‘lsamda, har safar ta’sirlanganman.
Sen ko‘rgan eng qiziqarli serial?
«Panjara ortida» serialini bir nafasda ko‘rib chiqqan edim.
Agarda futbolchi bo‘lmaganingda, qaysi sohada faoliyat olib borgan bo‘lar eding?
Rep yo‘nalishida kuylovchi qo‘shiqchi bo‘lar edim.
«Manchester Siti»da eng olifta yigiti kim?
Nikolos Otamendi. U o‘zgacha ko‘rinish maqsadida yozda ham qishki bosh kiyimlarni kiyib oladi.
Nimani ko‘proq so‘ginasan?
«Ufa» jamoasidagi do‘stlarimni, jamoamizni, shovqinli bozorlarni, hamma-hammasini sog‘inaman.
Sening ijtimoiy tarmoqlaringda Rahim Sterlingni mushuk bo‘lishga majbur qilgan videoroliklar ko‘p. Rahim bu video roliklarni ijtimoiy tarmoqqa joylaganingdan xafa bo‘lmaydimi?
Albatta, yo‘q. Gap shundaki, biz ko‘pincha birgalikda video o‘yinlarin o‘ynaymiz va yutqazib qo‘ygan inson raqibining aytgan vazifasini bajarishga majbur bo‘ladi. Men hazil tariqasida bir necha bor Rahimni it yoki mushukka «aylanishini» istagan edim. Tog‘risi, u mening jamoadagi eng yaqin do‘stim. U bunday hazillardan sira xafa bo‘lmaydi, imkon topdi deguncha men bilan ham hazillashadi.
«Manchester Siti»da urfga kirgan hazil qanday?
Bu mashg‘ulotlardan so‘ng, biror bir futbolchini muzdek hovuzga itarib yuborish. Ko‘pincha Bernardo Silva ushbu hazildan jabr ko‘radi (kuladi)
