Londonning "Chelsi" klubi bosh murabbiyi Frenk Lempard jamoada jarimalar tizimini joriy etdi deya xabar tarqatmoqda Daily Mail.

Manbaning yozishicha, mashg‘ulotlarga kech qolgan futbolchilar 20 ming funt jarimaga tortiladi. Shuningdek, jamoaning yig‘ilishlariga kech qolganlar 500 funt to‘lashiga to‘g‘ri keladi. Agar futbolchi o‘yin kuni avtobusga kech qolsa yoki shifokor qabulga kech qolsa u holda 2500 funt jarimaga mahkum. Jamoada ichki yig‘ilish bo‘layotganida yoki jamoa bilan birgalikda ovqat mahalda telefondan foydalanish mumkin emas -1000 funt, shuningdek, o‘yin kuni ham futbolchi rejadagidek kiyinmasa 1000 funt “chaqib” oladi. Agar futbolchi kasalligi yoki jarohati haqida dam olish kunidan bir kun avval ogohlantirib qo‘ymasa, o‘z 10 ming funt bilan “ogohlantiriladi”. Lempardning tartib-intizom kodeksi  "Chelsi" mashg‘ulot bazasiga osib qo‘yilgan.

Agar qoidabuzarlar jarimani 14 kun mobaynida to‘lamasa, u holda jarima miqdori oshib boraveradi. Jarimalarni murabbiylar shtabi nazorat qiladi. Jarimadan tushgan pullar xayriya yo‘lida ishlatiladi yoki jamoa tadbirlariga sarf qilinadi.

Qayd etish kerakki, agar agentlar rasmiy ish bilan shug‘ullanmayotgan bo‘lsa, u holda ular “Chelsi”ning mashg‘ulot bazasiga kelishlarini ham Lempard ta’qiqlab qo‘ygan.

Bundan tashqari, futbolchilar dam olish kunlari xorijga chiqib ketayotganligi haqida ma’lumot berishlari shart!