Jahon chempionati-2022 saralash bosqichi doirasida bugungi mag‘lubiyatdan keyin O‘zbekiston terma jamoasi o‘z guruhida nafaqat 2-o‘ringa tushib qoldi, balki 3-pog‘onaga ham tushib ketishi mumkin edi.
Yaman terma jamoasi Bahraynda Falastinni qabul qilib, kichik hisobda g‘alaba qozondi. Bahsning 35-daqiqasida falastinlik futbolchi Abu Varda maydonda chetlatildi. Qolgan daqiqalarda bir kishi bo‘lib o‘ynagan yamanliklar bitta gol urishga muvaffaq bo‘ldi.
Bu Yamanning ushbu saralash bosqichidagi dastlabki g‘alabasi bo‘ldi va ular o‘z ochkolarini 5taga yetkazib olishdi. "D" guruhida Falastin va Singapur hisobida 4tadan ochko mavjud.
Shu tariqa, Saudiya Arabistoni 8 ochko bilan guruh peshqadami bo‘lib turibdi. O‘zbekiston terma jamoasi esa 6 ochko to‘plagan holda 2-pog‘onani band etgan. 19 noyabr kuni O‘zbekiston Toshkentda Falastinni, Yaman esa Singapurni qabul qiladi.
JCH-2022 saralash. "D" guruhi, 5-tur
Yaman – Falastin - 1:0 (0:0)
Gol: 1:0 – 54 Ad-Dohiy.
Yaman – Sayid, Ad-Dohiy (Al-Madoriy, 87), Abd-Rabo, Bokshan, Al-Gahvasiy, Al-Matariy, Al-Vorafiy (Mohir, 80), Sodiq, JAmol Sarhan, Mansur, As-Saroriy.
Falastin – Ali, Al-Battat, Badoriy, Jobir, Abu Varda, Hamid, Al-Badaviy, Yamin (Salim, 85), Darvish (Shabon, 69), Batran (Shexade, 59), Vadi.
Ogohlantirishlar: Batran (9), Abu Varda (27), Al-Badaviy (45).
Chetlatish: Abu Varda (35).
| № | Jamoa | O‘yin | G‘ | D | Mag‘-t | T - N | Ochko |
|---|---|---|---|---|---|---|---|
| 1 | Saudiya Arabistoni | 4 | 2 | 2 | 0 | 8-4 | 8 |
| 2 | O‘zbekiston | 4 | 2 | 0 | 2 | 10-6 | 6 |
| 3 | Yaman | 4 | 1 | 2 | 1 | 5-9 | 5 |
| 4 | Falastin | 4 | 1 | 1 | 2 | 3-3 | 4 |
| 5 | Singapur | 4 | 1 | 1 | 2 | 5-9 | 4 |
