Shvesiyalik futbolchi o‘ziga qiziqish bildirayotgan klublar oldiga o‘z shartini qo‘ydi.
Zlatan Ibragimovich Italiya A Seriyasiga qaytishga tayyor, faqat uning bir oylik maoshi 1 million yevro bo‘lgan taqdirdi deya xabar bermoqda Football Italia portali.
Zlatanga “Milan”, “Roma”, “Bolonya”va“Napoli” klublari qiziqish bildirishmoqda. Manbaning yozishicha, 38 yoshli hujumchi oyiga bir million yevro bo‘lgan olti oylik shartnoma imzolamoqchi.
Ibragimovich uchun kurashda “Milan” yetakchilik qilmoqda, biroq, "rossonerlar" Zlatanga 6 oy uchun 4 million yevro to‘lamoqchi.
Eslatib o‘tamiz, avvalroq AQSHning “Los-Andjeles Gelaksi” klubi Ibragimovich bilan xayrlashganini rasman e’lon qilgandi.