Rossiya chempionatining 17-turi doirasida «Rostov» Moskvada «Dinamo» klubi mehmoni bo‘lib, alamli tarzda ochkolardan mahrum bo‘ldi.

Karpin shogirdlari uchrashuvning 13-daqiqasida hisobni ochishga muvaffaq bo‘lishdi. Ionovning uzatmasidan keyin Popov yaqin masofadan darvozani ishg‘ol qildi.

Bahsning 31-daqiqasida hakam moskvaliklar foydasiga penalti belgiladi. Filipp undan samarali foydalanib, hisobni tenglashtirdi.

Ikkinchi bo‘lim tengma-teng kurashlar ostida kechdi. O‘yinning so‘nggi daqiqalarida yuz bergan vaziyatni hakam va videoyordamchi hakam naq 3-4 daqiqa muhokama qilishdi, referining o‘zi ekran orqali vaziyatni tomosha qildi va "Rostov" darvozasiga penalti belgiladi. Yana o‘sha Filipp "Dinamo"ni oldinga olib chiqdi.

O‘yinga qo‘shib berilgan eng so‘nggi 6-daqiqada esa hakam moskvaliklar darvozasiga penalti belgiladi. Ionov tomonidan yo‘llangan zarbani "Dinamo" posboni ushlab olishga muvaffaq bo‘ldi.

Shu tariqa, hisobni ochgan "Rostov", raqib tomonidan 2ta penaltidan urilgan gol hisobiga, o‘zi esa 11 metrli jarima zarbasidan samarali foydalana olmay, mag‘lubiyatga uchradi. Eldor Shomurodov o‘yinda to‘liq harakat qildi.

Rossiya premyer-ligasi, 17-tur
Dinamo – Rostov 2:1 (1:1, 1:0)
Gollar: 0:1 – 13 Popov, 1:1 – 33, penalti Filipp, 2:1 – 90, penalti Filipp.
Dinamo – Shunin, Raush, Pliyev (Parshivlyuk, 38), Rikov, Yevgenyev (Shunich, 72), Yusupov, Noyshtedter, Shimanski, Morozov, Filipp, Igboun (N`Ji, 81).
Rostov – Baburin, Chistyakov, Kozlov, Chernov, Xadjikadunich, Normann, Popov, Glebov (Zaynutdinov, 59), Bayramyan (Dolgov, 90), Ionov, Shomurodov.
Ogohlantirishlar: Xajikadunich (2), Shimanski (60), Noyshtedter (90), Parshivlyuk (90).