Россия чемпионатининг 17-тури доирасида «Ростов» Москвада «Динамо» клуби меҳмони бўлиб, аламли тарзда очколардан маҳрум бўлди.

Карпин шогирдлари учрашувнинг 13-дақиқасида ҳисобни очишга муваффақ бўлишди. Ионовнинг узатмасидан кейин Попов яқин масофадан дарвозани ишғол қилди.

Баҳснинг 31-дақиқасида ҳакам москваликлар фойдасига пенальти белгилади. Филипп ундан самарали фойдаланиб, ҳисобни тенглаштирди.

Иккинчи бўлим тенгма-тенг курашлар остида кечди. Ўйиннинг сўнгги дақиқаларида юз берган вазиятни ҳакам ва видеоёрдамчи ҳакам нақ 3-4 дақиқа муҳокама қилишди, реферининг ўзи экран орқали вазиятни томоша қилди ва "Ростов" дарвозасига пенальти белгилади. Яна ўша Филипп "Динамо"ни олдинга олиб чиқди.

Ўйинга қўшиб берилган энг сўнгги 6-дақиқада эса ҳакам москваликлар дарвозасига пенальти белгилади. Ионов томонидан йўлланган зарбани "Динамо" посбони ушлаб олишга муваффақ бўлди.

Шу тариқа, ҳисобни очган "Ростов", рақиб томонидан 2та пенальтидан урилган гол ҳисобига, ўзи эса 11 метрли жарима зарбасидан самарали фойдалана олмай, мағлубиятга учради. Элдор Шомуродов ўйинда тўлиқ ҳаракат қилди.

Россия премьер-лигаси, 17-тур
Динамо – Ростов 2:1 (1:1, 1:0)
Голлар: 0:1 – 13 Попов, 1:1 – 33, пенальти Филипп, 2:1 – 90, пенальти Филипп.
Динамо – Шунин, Рауш, Плиев (Паршивлюк, 38), Рыков, Евгеньев (Шуньич, 72), Юсупов, Нойштедтер, Шиманьски, Морозов, Филипп, Игбоун (Н`Жи, 81).
Ростов – Бабурин, Чистяков, Козлов, Чернов, Хаджикадунич, Норманн, Попов, Глебов (Зайнутдинов, 59), Байрамян (Долгов, 90), Ионов, Шомуродов.
Огоҳлантиришлар: Хажикадунич (2), Шиманьски (60), Нойштедтер (90), Паршивлюк (90).