Xabar berganimizdek, bugun Belgiyaning EVS kompaniyasi mutaxassislari Superliga klublari rahbarlari, stadionlar direktorlari, Sport telekanali vakillari, O‘zbekiston chempionati uchrashuvlarini boshqarib boradigan hakam hamda nazoratchilar uchun VAR tizimi ishlash jarayoni bo‘yicha seminar o‘tkazdi.

Unda EVS kompaniyasi mutaxassislari hakam hamda nazoratchilarga bevosita VAR tizimining ishlash tartibi, uchrashuv davomida VARdan to‘g‘ri foydalanishning yo‘l-yo‘riqlari, bunda yetakchi ligalar amaliyotidan qilingan xuloslar borasida zarur ko‘nikmalar bilan o‘rtoqlashishdi.

So‘ngra Superliga va Pro-ligada faoliyat yuritayotgan hakamlar kunning ikkinchi yarmida milliy chempionatimiz oxirgi 2 ta tur uchrashuvlari tahlilini amalga oshirdi. 2019-yilgi mavsumning oxirgi turlarida ishlagan hakamlarning xatti-harakatlari tahlil qilinib, yo‘l qo‘yilgan ba’zi xatolar ko‘rsatib o‘tildi, kamchiliklarni qanday bartaraf etish, kelajakda bu xatolarni takrorlamaslik uchun nimalarga ahamiyat qaratish zarurligi tajribali nazoratchi va yo‘riqchilar tomonidan tushuntirildi.