Angliya chempionatining 22-turi doirasida «Manchester Yunayted» klubi o‘z maydonida «Norvich»ni qabul qilib, yirik hisobda g‘alaba qozondi.

Mankunianliklarning 4ta goliga "kanareyka"lar biror marta javob qaytara olishmadi. Markus Reshford ikkita gol urib, mavsumdagi gollari sonini 14taga yetkazib oldi. Shuningdek, Antoni Marsial va Meyson Grinvud o‘z hisobiga bittadan gol yozishdi.

Ushbu g‘alabadan keyin "Manchester Yunayted" klubi o‘z ochkolarini 34taga yetkazib, o‘zi egallab turgan 5-pog‘onani mustahkamladi.

Angliya chempionati, 22-tur
Manchester Yunayted – Norvich 4:0 (1:0)
Gollar: 1:0 – 27 Reshford, 2:0 – 52, penalti Reshford, 3:0 – 54 Marsyal, 4:0 – 76 Grinvud.
Manchester Yunayted – De Xea, Uilyams, Uan-Bissaka, Maguayr, Lindelef, Pereyra (Grinvud, 71), Matich, Fred, Mata, Marsyal (Gomes, 80), Reshford (Jeyms, 59).
Norvich – Krul, Xenli (Lyuis, 80), Simmermann, Bayrem, Aarons, Vranchich (Amadu, 65), Tetti, Kentuell, Buendia, Maklin, Ida (Ernandes, 65).