Katoloniyaning «Barselona» jamoasi mavsum o‘rtasida Ernesto Valverde bilan xayrlashganidan xabaringiz bor. Valverdenning ketishi kutilgan edi, biroq bu ish kutilmaganda amalga oshdi. Shu sababli, futbol olamidagi barcha ispaniyalik murabbiyning iste’fosi haqidagi fikr va muholahalazalarini ma’lum qilishni istamoqda. Shu jumladan «Barselona» jamoasining faxriylari ham chetda qolishni istamagani tabiiy xol. Bugun e’tiboringizga klubning yangi bosh murabbiyi Kike Setyen tomonidan berilgan ilk intervyusini va yuqorida nomi zikr qilingan futbolchilarning Katoloniya klubidagi o‘zgarishlarga bildirgan fikrlarini taqdim etamiz.
Xavi
- Kike nafaqat «Barselona», balki istalgan jamoa uchun ajoyib murabbiyga aylana oladi desam, adashmagan bo‘laman. U o‘yin davomida foydalanadigan sxema «Barselona»nikiga juda o‘xshash. Bundan tashqari, Kike jamoadagi bor imkoniyatlarga tezda ko‘nikib ketishga qodir.O‘ylashimcha, u o‘ziga yuklatilgan vazifani ortig‘I bilan amalga oshiradi. Bunga shubham yo‘q.
Pep Gvardiola
- «Barselona» chinakamiga o‘zgacha klub. Sababi, bu yerda ishlashni davom ettirishing uchun chempionlikni qo‘lga kiritish ham kamlik qiladi.Ernesto uchun afsusdaman. U bunga loyiq murabbiy emas edi. Umid qilamanki, vaziyat yumshatiladi. Jamoaning bir bo‘lagi sifatida shunga umid qilib qolaman.
Andres Inyesta
- Valverdening mavsum o‘rtasida ishdan olinishi tushunish juda mushkul. Klub qanday qilib bunday qarorga kelganiga xayronman. So‘nggi paytlarda klub o‘ziga yarashmagan ishlarni amalga oshirmoqda. Jamoa murabbiyi bilan bunday yo‘l tutush kerak emas.
Kike Setyen
- Men o‘zimning eng dadil orzularimda ham bu o‘rinni egallashim haqida o‘ylamagan edim. Bugun o‘zgacha kun va fursatdan foydalanib menga ishonch bildirgan insonlarga minaddorchilik bildirib o‘tmoqchiman. Men yangi sinovlar va jarayonining qanchalar muhim ekanligini tushunib turibman. Shuning uchun ham o‘zimdagi g‘alabaga bo‘lgan chanqoqlikni futbolchilarga ham singdirishga harakat qilaman. Mening maqsadim qo‘lga kiritish mumkin bo‘lgan barcha musobaqada g‘olib chiqishni uddalash. Albatta, sifatli futbol namoyish etgan xolda. Ulkan g‘alabalarga erishish uchun bu ikki factor uyg‘unligi talab etiladi.
