AGMK sharafini ko‘p yillardan buyon himoya qilib kelgan qanot yarim himoyachisi Zohir Pirimov klub bilan tuzgan shartnomasi nihoyasiga yetgani bois jamoa bilan xayrlashdi.
Zohir Pirimov jamoadan ketish oldidan klubga barchasi uchun rahmat aytib, minnatdorchilik bildirdi.
“Hammasi uchun rahmat, AGMK”, -deb yozib qoldirgan Pirimov Instagramdagi sahifasida.
Ma’lumot uchun, Zohir Pirimov 2008-2016, 2018-2019 yillar davomida olmaliqliklar sharafini himoya qilgan va AGMK tarkibida jami 243 o‘yin o‘tkazib, 19ta gol muallifiga aylangan.
