“Tottenhem” bosh murabbiyi Joze Mourinyo muxlislarni qiziqtirgan birnechta savollarga javob berib o‘tdi.
- Eriksenning jamoadagi ahvoliga oydinlik kirita olasizmi? Uning transferi qaysi darajaga yetib keldi?
- Men hozir aytadigan yangiligim jurnalistlar uchungina yoqimli bo‘lishi mumkin. Sizlarda deyarli har kuni qandaydir yangilik paydo bo‘lmoqda. Tan olish lozim, jurnalistlar ayni damda katta mashtabdagi ishni amalga oshirishmoqda. Deyarli barcha insonlar o‘z ekranlariga termulgancha yangiliklarni o‘qish bilan band. Bu ular uchun qiziq, biroq biz uchun bu yoqimsiz holat. Biz tomondan olib qaralganda, futbolchilar haqidagi yangiliklar deyarli yo‘q hisob. Birinchidan, biz har kuni futbolchi sotib olmaymiz. Ikkinchidan men ayrim hamkasblarimdan farqli o‘laroq boshqa jamoadagi futbolchilar haqida so‘zlashni istamayman. Eriksen borasidagi savolga javobim sizlarga hush kelmasligi aniq. Uning transferi tez kunlarda uzil-kesil hal etiladi.
- Kavani borasida nima deya olasiz?
- Ahir u PSJ futbolchisiku! Hozir sizga nima dedim(kuladi). Mening PSJ jamoasi rahbari va sport direktori bilan aloqalarim juda ham yaxshi. Yaxshi munosabatlar doim hurmatning ustiga quriladi. Shuning uchun ham PSJ futbolchisi haqida hech narsa demoqchi emasman. Agar bu savolni hazilga yo‘ysangiz, yaxshisi men do‘stlarimdan Mbappeni ijaraga berishlarini iltimos qilib ko‘raman.
- “Tottenhem”dagi davringiz mobaynida atigi 2 ta uchrashuvda gol o‘tkazib yubormadingiz. Bu nima bilan bog‘liq?
- Bilasizmi, siz gol o‘tkazib yubormagan uchrashuvlar deganingizning zamirida juda katta mohiyat mavjud. Masalan, jamoa “Uotfurd”ga qarshi quruq o‘yin o‘tkazguniga qadar bir yil davomida “Tottenhem” mehmonda darvozasi dahilsizligini saqlab qola olmagan. To‘g‘ri, bu futbolda juda muhim. Futbolchilar ham quruq o‘yin o‘tkazgach, o‘ziga bolgan ishonchi ko‘tarilganini sezdim.
Biz “Vest Hem”ni mag‘lubiyatga uchratganimizyodingizdami? O‘sha g‘alabaga qadar jamoa deyarli yarim mavsumdan beri mehmonda g‘alaba qozonishni uddalay olmayotgan edi. Afsuski, o‘yin va tablodagi hisob boshqa-boshqa narsalar. Siz nursiz durang qayt etish orqali quruq seriyani davom ettirishingiz mumkin, biroq bu yirik hisobdagi g‘alaba singari foyda bermaydi. Kuchli raqiblarga qarshi o‘yinlarda gol o‘tkazmaslik bu umuman boshqa mavzu.
