“Man Siti”ning barcha barcha zamonlardagi futbolchilaridan tashkil topgan ramziy jamoa
“Shaxarliklar” Angliyada o‘ziga hos tarix va yulduzlariga ega jamoalardan biri sanaladi. Shayxlarning katta pullari kelgach, bu jamoa o‘zining eng yaxshi davrlarini boshidan kechirishni boshladi deganlar adashadi. Bugun “Manchester Siti” klubi tarixidagi eng kuchli futbolchilardan tashkil topgan ramziy jamoa bilan tanishitirb o‘tamiz.
Jo Korrigan (Angliya)
Ederson hali yosh, Hart beqaror darvozabon bo‘lgan. Shunday ekan, 20 asrga qaytishga to‘gri keladi. Jamoa safida 16 yil darvozani qo‘riqlagan afsonaviy kipper Jo Korrigan 604 ta uchrashuvda maydonga tushgan va boshi uzra 7 sovrinni ko‘targan. Ahamiyatlisi shundaki, bu sovrinlar ichida “Kubok egalari kubogi” ham mavjud.
Toni Buk (Angliya)
1966-yilda jamoa safiga kelib qo‘shilgan o‘ng qanot himoyachisi 8 mavsum davomida jamoada to‘p surgan bo‘lsada, o‘zining yetakchiligi bilan yaqqol ajralib turgan. Klubdagi kariyerasini jamoa sardori sifatida yakunlagan Bukning hisobida 4 ta sovrin mavjud.
Mayk Doyl
Jamoa safida 13 yil to‘p surgan himoyachi o‘z faoliyatini qanot himoyachisi sifatida boshlagan bo‘lsada, jamoa muxlisalri tomonidan 2 bor yilning eng yaxshi futbolchisi deb markazda to‘p surgan yillari tan olingan. Shu sababli, biz uni markazga qo‘ydik.
Vensan Kompani (Belgiya)
Jamoa tarixidagi eng sovrindor sardor uzoq yillar davomida raqiblar va jarohatlar bilan mardonavor kurash olib bordi. 12 ta sovrin va 360 ta uchrashuv. Bundan tashqari, klub muxlislari uni so‘nggi 50 yilning eng yaxshi o‘yinchisi deb ham e’tirof etishgan.
Pol Pauer (Angliya)
1975 yilda jamoaga kelib qo‘shilgan Pol qisqa muddat ichida barchaning mehrini qozonganlardan biri. 11 mavsum davomida raqib darvozalarini 46 bor ishg‘ol qilgan himoyachi bugungi ramziy jamoamizdan joy olishga haqli!
Yaya Ture
Gvardiolagacha bo‘lgan davrning eng yaxshi futbolchisi!
Kevin De Bryuyne (Belgiya)
Uning o‘rnida bir nechta boshqa variantlar mavjud edi, biroq belgiyalik futbolchining iqtidori sababli ro‘yxatga kiritdik. Uning zamonaviy “Siti” uchun qilgan ishlari tahsinga sazovor.
Kolin Bell (Angliya)
“Shaxarliklar” safida 1966-79 yillar oralig‘ida to‘p tepgan futbolchini eslab o‘tishimiz shart. Qahramonimiz jamoa safida eng ko‘p gol (153) kiritgan yarim himoyachi sanaladi. Jamoa rasmiy sayti esa uni “Siti” tarkibida to‘p surgan eng yaxshi futbolchi deb hisoblaydi.
Raxim Sterling (Angliya)
Rahim 5 yildan buyon jamoa safida bardavom o‘yin ko‘rsatib kelmoqda. Gvardiolaning jamoaga kelishi esa, uning yashirin qirralarini ochdi. Futbolchi yana 5 yil yuqori formada o‘yin ko‘rsatishiga ishonchimiz komil.
Serxio Aguero (Argentina)
Jamo tarixidagi eng yaxshi to‘purarsiz (252) bu jamoani tasavvur qilish qiyin.
Murabbiy
Djo Merser (Angliya)
Murabbiylar borasida barcha Gvardiolani kutgan bo‘lsa ajab emas. Shunday bo‘lsada, biz klub muxlislarini katta pullarsiz ham 1965-71 yillar oralig‘ida baxtli qilgan afsonaviy koach Jo Merserni tanladik. Murabbiy Angliyadagi barcha musobaqalarda zafar quchibgina qolmay, jamoa tarixidagi eng katta g‘alaba(1970 yilda) “Kubok egalari Kubogi”da ham g‘olib chiqishni uddalagan. Pep ham bu o‘ringa loyiq, biroq u YECHLda g‘alaba qozonishi talab etiladi. Unga qadar Jo o‘z pozitsiyasida qoladi.
