Avstraliya davom etayotgan tennis bo‘yicha katta dubulg‘a turkumiga kiruvchi musobaqa yakuniga yetib qoldi. Erkaklar va ayollar o‘rtasida turnirning finalchilari ma’lum bo‘ldi.

Erkaklar
Yarim finalda dastlab Rodjer Federer va Novak Jokovich kortga chiqishdi. Birinchi setda shveysariyalik futbolchi ketma-ket ikki "breyk"ni amalga oshirib, hisobni 5:2 ko‘rinishga keltirdi. Ammo serbiyalik sportchi 2ta qayta "breyk"ni hisobni tenglashtirdi. Tay-brekda esa Jokovich raqibiga hech qanday imkoniyat qoldirmadi — 7:1.

Keyingi setlarda esa Novak o‘z o‘yinini kuchaytirib, Federerni taslim etdi — 6-4, 6-3. Shu tariqa, Jokovich final yo‘llanmasini qo‘lga kiritdi.

Dominik Tim va Aleksandr Zverev o‘rtasidagi o‘yin ancha qiziqarli kechdi. Germaniyalik sportchi birinchi bo‘limni kuchli o‘tkazib, 6-3 hisobida g‘olib chiqdi.

Keyingi bo‘limlarda avstriyalik sportchi o‘z o‘yinini namoyish qila boshladi va ikkinchi setdan keyin muvozanatni tikladi — 6-4.

Uchinchi va to‘rtinchi setlar esa tay-brekkacha davom etdi. Ularda Tim g‘olib chiqdi va final yo‘llanmasini qo‘lga kiritdi.

Australian open. Yarim final, erkaklar
Rodjer Federer (Shveysariya) - Novak Jokovich (Serbiya) —  0:3 [6-7 (1), 4-6, 3-6]
Dominik Tim (Avstriya) - Aleksandr Zverev (Germaniya) — 3:1 [3-6, 6-4, 7-6 (3), 7-6 (4)]

Final.
Dominik Tim (Avstriya) — Novak Jokovich (Serbiya)

Ayollar
Ayollar o‘rtasidagi musobaqaga finaliga esa kutilmagan sportchilar yetib kelishdi. Musobaqada 14-raqam ostida saralangan AQSHlik Sofiya Kenin va ispaniyalik saralanmagan tennischi Garbinye Mugurusa chempionlik uchun kurash olib borishadi.

Australian open. Yarim final, ayollar
Eshli Barti (Avstraliya) - Sofiya Kenin (AQSH) — 0:2 [6-7 (6), 5-7]
Simona Xalep (Ruminiya) - Garbinye Mugurusa (Ispaniya) — 0:2 [6-7 (8), 5-7]

Final
Sofiya Kenin (AQSH) — Garbinye Mugurusa (Ispaniya)