«PSJ» klub rahbariyati hujumchi Kilian Mbappe va bosh murabbiy Tomas Tuxel o‘rtasida yuz bergan mojaroni bartaraf etishga harakat qildi.

"Le Parisien" tarqatgan xabarga ko‘ra, jamoa sport direktori Leonerdo o‘yinchi va murabbiy bilan uchrashuv o‘tkazgan. Ammo Mbappe va Tuxel o‘rtasidagi muammo hali to‘liq bartaraf etilganicha yo‘q.

Fransiyalik futbolchining fikricha, murabbiyning o‘ziga bo‘lgan munosabati «PSJ» pozisiyasiga mos emas. Klub Mbappening jamoa uchun muhim ahamiyatga ega ekanini ta’kidlamoqda. Ammo Kilian o‘zining zaxiraga olinishidan muntazam norozi bo‘lib kelmoqda.

Ayniqsa, hujumchi Neymar va yarim himoyachi Anxel Di Mariya maydonda qolib, Mbappe birinchilardan bo‘lib almashtirilayotganidan tashvishga tushmoqda. Fransiya chempionatining ushbu mavsumida futbolchi 5 marta zaxiraga olindi.

Bundan tashqari, "Pari Sen-Jermen" Mbappe bilan shartnomani uzaytirmoqchi bo‘layotganida o‘yinchining qaroriga ta’sir qilishi mumkin.

Kilian Mbappe ushbu mavsumda Liga 1 doirasida 16ta o‘yinda maydonga tushib, 14ta gol urdi va 5ta golga uzatma berdi.