"Valensiya" vingeri Ferran Torres Turinning "Yuventus" jamoasi e’tiborini tortdi. Bu haqda Golsmedia xabar bermoqda.

Italiya jamoasi allaqachon futbolchining agentiga rasmiy ravishda murojaat qilib, futbolchiga qiziqish bildirgan. Turin jamoasining skautlari "San-Siro"da bo‘lib o‘tadigan Chempionlar ligasi o‘yinida qatnashishadi, unda "Valensiya" "Atalanta" bilan uchrashadi.

19 yoshli ispaniyalik futbolchining "Valensiya" bilan shartnomasi 2021-yilning yozigacha davom etadi. Transfermarkt xabariga ko‘ra, futbolchining narxi 40 mln yevroni tashkil qiladi.

Ma’lumot o‘rnida, ushbu mavsumda Torres barcha turnirlarda "Valensiya" safida 31 ta uchrashuvda maydonga tushib, 5 ta gol va 6 ta assistni qayd etdi.