"Валенсия" вингери Ферран Торрес Туриннинг "Ювентус" жамоаси эътиборини тортди. Бу ҳақда Golsmedia хабар бермоқда.
Италия жамоаси аллақачон футболчининг агентига расмий равишда мурожаат қилиб, футболчига қизиқиш билдирган. Турин жамоасининг скаутлари "Сан-Сиро"да бўлиб ўтадиган Чемпионлар лигаси ўйинида қатнашишади, унда "Валенсия" "Аталанта" билан учрашади.
19 ёшли испаниялик футболчининг "Валенсия" билан шартномаси 2021-йилнинг ёзигача давом этади. Transfermarkt хабарига кўра, футболчининг нархи 40 млн еврони ташкил қилади.
Маълумот ўрнида, ушбу мавсумда Торрес барча турнирларда "Валенсия" сафида 31 та учрашувда майдонга тушиб, 5 та гол ва 6 та ассистни қайд этди.
