Italiyaning «Inter» klubi prezilenti Stiven Chjan A Seriya rahbari Paolo Dal Pinoning o‘yinlarni boshqa muddatga o‘tkazish borasidagi fikrlariga munosabat bildirdi.

— Ko‘pchilik meni keskin munosabat bildirganligimni aytmoqda. Menimcha, men yanayam yumshoqroq fikr bildirdim. Insonlarning salomatligi birinchi o‘rinda bo‘lishi kerak. Dunyo bo‘ylab millionlab muxlislarning sevimli jamoasi sifatida ularning salomatligi uchun javobgar bo‘lishimiz va boshqalarga o‘rnak bo‘lishimiz kerak. Barcha ehtiyot choralarini ko‘rish kerak. Uchrashuvlarni muxlislarsiz o‘tkazish — to‘g‘ri qaror. Tavakkal qilmaslik kerak. Muxlislarsiz o‘ynash qiyin. Bunday bo‘sh tribunalarda o‘ynash hech kimga yoqmaydi, lekin sog‘iqni o‘ylash kerak. Bu chiqish kerak bo‘lgan yagona yo‘l, — Chjanning so‘zlaridan iqtibos keltirmoqda Financial Times.