Bugun Olmaliq shaxrida bo‘lib o‘tgan AGMK va “Bunyodkor” uchrashuvidan so‘ng, olmaliqliklar sardori Akmal Shorahmedov o‘yin haqidagi fikr va mulohazalari bilan o‘rtoqlashib o‘tdi.

– Bugungi o‘yin haqidagi fikringiz bilan o‘rtoqlashsangiz.

– Bugun biz musobaqani ikkita g‘alaba bilan boshlagan jamoaga qarshi maydonga tushdik. Nima bo‘lgan taqdirda ham “qaldirg‘ochlar” bugungi uchrashuvda favorit edi. Bugungi g‘alaba biz uchun juda muhim edi va bu ishni uddaladik. Birinchi bo‘limda gol kiritib olganimiz g‘alaba uchun katta yordam berdi. Ikkinchi bo‘limda ustunlikni saqlab qolish maqsadida himoyadan o‘ynadik. Bugungi uchrashuvdagi g‘alaba musobaqadagi o‘rnimizni yaxshilab olish uchun juda muhim edi va biz bu ishni uddaladik.

– Bugun kunda Superligadagi jamoalarni “dovdiratib” qo‘ygan “Bunyodkor” yoshlari ko‘z oldingizda katta bo‘lgan. Bugungi uchashuvda bu o‘z foydasini berdimi?

– Gapiz to‘g‘ri. Esimda bor, biz “Bunyodkor”da to‘p surayotgan chog‘imizda, Jasur darvoza ortida to‘p uzatib turar edi. Buni o‘zi ham yaxshi eslaydi.

–O‘yin davomida “qaldirg‘ochlar” futbolchilarini ko‘p tanqid qildingiz. Bu nima bilan bog‘liq?

– Jasur men o‘ynaydigan qanotda to‘p yetkazib turivchi bolboy edi. Uni yoshligidan bilaman. Bugungi erishayotgan yutuqlari barchamizni xursand qiladi albatta, biroq u o‘sishdan to‘xtab qolmasligi kerak. Jasurnning darajasi yanada balanndroq chempionatlarda o‘ynashga ham yetadi. U O‘zbekiston darajasida emas, xalqaro darajadagi futbolchi bo‘lishi kerak.