Toshkentning “Humo” xokkey klubi Oliy xokkey ligasi Petrov kubogidagi ishtirokini davom ettirayotganidan xabaringiz bor. Bugun “Humo” chorak final doirasida Moskvaning “Zvezda” klubiga qarshi to‘rtinchi uchrashuvni o‘tkazadi.

Reglamentga ko‘ra, mazkur qarama qarshilik Toshkentda o‘tishi lozim edi. Biroq O‘zbekiston Respublikasi Jismoniy tarbiya sport vazirligining qaroriga ko‘ra, ayni kunlarda Respublikamiz hududida o‘tkazilishi rejalashtirilgan xalqaro tadbirlar va sport musobaqalari vaqtincha to‘xtatilgani bois o‘yin Moskvadan 80 km janubi-sharqda joylashgan Voskresensk shahrida o‘tkazilmoqda.

Ayni paytda seriyalar 2:1 hisobida moskvaliklar foydasiga bo‘lib turibdi. Bugungi o‘yin Toshkent vaqti bilan 20:30 da start oladi.