"Manchester Yunayted" klubining o‘tmishdagi afsonaviy futbolchisi Brayan Robson Brunu Fernandeshga yuqori baho berdi.
«Brunu Sulsher qo‘l ostida o‘zini yuqori iqtidorga ega ekanligini ko‘rsata oldi. U o‘z ishiga yaxshi munosabatda bo‘lmoqda. Biz uni bir necha marta maydon tashqarisida ko‘rdik, u jamoada yangi bo‘lishiga qaramay, jamoadoshlari bilan munosabati yaxshi ekanligini ko‘rinib turgandi.
Boshidanoq u qanday qilib "Sporting" klubining sardori bo‘lgani ma’lum bo‘ldi. Fernandesh juda katta iqtidorga ega va uning o‘yin sifati esa menga Pol Skoulzni eslatmoqda. U chiziqlar o‘rtasida ajoyib harakat qilmoqda, u har doim maydonda bo‘sh xudud topishga harakat qiladi. Shuningdek, u maydonni juda yaxshi ko‘ra oladi va olisdan kuchli zarba yo‘llay oladi. Ishonamanki, u "MYU" uchun yangi Skoulz bo‘la oladi», — dedi Brayan Robson.
